الفكي الصغير في حماة-ليلة رصد مميزة-

الاثنين 22-3-2010

اقامت جمعية هواة الفلك السورية-فرع حماة نشاطا فلكيا مميزا ضمن نشاطات الفلكي الصغير في مدينة حماة..وضمن النشاط تم تدريب عدد من الاطفال على الرصد الليلي للنجوم وأسمائها وتم فيه شرح كيفية عمل التلسكوب كما وتم رصد العديد من الاجرام السماوية كالقمر وزحل والمريخ بواسطة التلسكوب...

أثناء النشاط تم توزيع اعداد هواة الفلك للأطفال وأيضا خرائط نجمية لشهر آذار....

وما شاء الله لاحظنا إقبالا شديدا للاطفال على هذا العلم الرائع واسئلتهم التي لم تنتهي طوال فترة النشاط
نترككم مع بعض الصور عن النشاط:













أسماء الاطفال المشاركين في النشاط الفلكي:
رند حمشو - تسنيم الخطيب - شادي شومان - فراس اللجمي - عبد الرحمن سريحيني - بشر تتان - محمد القطمة - فوزي حساني - فرح دينار - طاهر المصول - شهد الاصفر - أغيد عطا الله - حامد فاخوري
وجميع الأطفال اعمارهم بين 10 و11 سنة

الله يعطيكم العافية نشاطات ممتازة في حماه ودير الزور والحمد لله بمجهود الشباب الجمعية بتكبر الله يوفقكم[b]

الله يعافيكم ويخليكم أستاذ محمد ودكتور فراس وأستاذ عبد اللطيف...ويللي شفتو...انو لينهض علم الفلك ويتطور في بلدنا...لازم نهتم بتعليم الاطفال...كجزء هام..إن شاء الله عم نفكر نعمل مجموعة فلكي صغير في حماة...على غرار حلب....ودير الزور..

اشتقنا لرحلات الرصد ما في شي اريب خصوصي على جو الربيع الحلو والهطول الشهابي الجاية
ارجو الرد سريعا

يمكن ب29 نيسان في رحلة......للمرصد الكبير....

اين هو المرصد الكبير
وعلى الهطول الشهابي مو احسن يلي رح يصير بعد كم يوم

الله يسامحك يا كرم...أنت يللي في دمشق ما بتعرف وين المرصد الكبيرة..ونحن هنا في حماة ونعرف أين...!!!!

المرصد الكبير....في منشأة بن الحموي في صحنايا....وليش في 29 نيسان..؟؟بنصحك ترجع تقرأ عدد نيسان وتلاحظ النشاطات المقررة خلال هذا الشهر...أو ترجع للموقع الرئيسي للجمعية....

يا محمود المرصد الكبير كنت مفكرو القبة الفلكية
بس طلع تبع بن الحموي

الخميس (يعني بكرة)في رحلة رصد بس مو لاعضاء الجمعية مخصصة لطلاب الجامعة
بس الخبر الحلو بهل رحلة انو في 614 اسم مشترك فيها

وكمان في رحلة الخميس يلي بعدو لاعضاء الجمعية و جمعية فلكيون بلا حدود برجو انك تجي اخ محمود على هل رحلة

انا رح حاول قوي حالي بالرصد و بالمعلومات العامة
برجو المساعدة
(اما في صفحة معلومات بسيطة او في هل تعلم)
ولكم جزيل الشكر

انا إن شاء الله عالأغلب جاية الخميس 29 نيسان أنا ومجموعة من الشباب من حماة....ورح أسأل عنك كرم....إذا حدا من اعضاء الجمعية بيعرفك رح يدلني عليك....ومنشوفك ومندربك عالتلسكوب لحتى تصير محترف تمام...

رحلة29 نيسان بس لأعضاء الجمعية
يعني مافينا نحضر معكم
ولو مستمع

يسلمو محمود انشاء الله بكون عند حسن ظنك و انا حاولت اني ارصد بس ما ادرت لانو في غيم بالشام بس الحمد لله المجموعات الجنوبية تقريبا بعرفها كلها
بالاضافة لذات الكرسي و الدب الاكبر

رح اعطيك شوي من ملامحي
1بلبس نظارات ذهبية كبار شوي
2طولي بحدود 160
3شعري قصير اشقر

بظن انك رح تلاايني بدون ما تسأل حدا
بشوفك الخميس انشاء الله

اوكي كرم إن شاء الله منشوفك...وبتكون ليلة حلوة...

بالنسبة للاخ عبد الله انا بظن أنو النشاط حتى لغير الأعضاء..وإلا ما كانت الجمعية عملت إعلان على موقعها...

الرحلة خاصة بالاعضاء حاولت اني جيب اخي او حدا من رفآتي بس ما رضيو

يا رجل..

برحلة الاثنين الماضي كان كل الناس عم تحكي عن الرحلة..

و أنو هية مفتوحة للكل مو بس للأعضاء..

بس مافي باصات و كل واحد اذا بدو بيروح لحالو بس..

ولله رحلة رصد حلوة ما عنو كانت السما كلها غيم بس شوفة زحل لحالها بالمكفا
بالاضافة لاني اتعرفت على نجوم جديدة وكلو بفضل لؤي ومحمود

أي والله انبسطنا كتيير.....و تعرفت على كرم.....الله يعطيكم العافية يا شباب