شكرا دكتور على موقع الاطفال والله يعطيكم العافيه بصراحه انت و الاستاذه دانه

انابرايي يجب طباعه اعلان مثل بوستر و وتعليقه في جميع المدارس بدون استثناء بحيث يكون ملفت للنظر

من الممكن أيضاً أن يتم توزيع اعلانات عن الموقع على الأطفال بمعرض " العودة الى المدرسة " ( المشكلة أنو بعد 6 اشهر حتى يفتح ) , أو بالأماكن التي تقيمون بها المشاريع وليالي الرصد .. وتبقى أسهل وأبسط طريقة أن نقوم بإخبار كل من نعرفه من الأطفال عن هذا الموقع .

أخيراً أود أن أشكركم على الموقع الجميل , أجمل مافيه طريقة عرض المعلومات .. بسيطة وواضحة للأطفال , وقد أعجب أختي (( 9 سنوات )) كثيييراً.

بالفعل موقع حلو وسلس
شكرا يا شباب عالمجهود
وهلا الفكرة انو شلون رح ننشره
هلا كل الي ذكر فوق هوي ممكن انو يسير بس تضل على امكانيات جمعيتنا
بدنا نشوف رأي الأستاذ محمد العصيري
أنا رح حاول بموقع عكس السير لانو المدير بعرفو
وبالنسبة لتوسيع الموقع
سوف أحاول صنع بعض العروض التفاعلية الخاصة بالاطفال خلال هذه السنة

مشكورة دانة

بهالحالة بإمكانا نتواصل مع عدة مواقع للأطفال لنشر الإعلان
إذا حدا بيعرف شي موقع يخبرنا

[b]نستطيع أيضا التعاون مع نوادي الأطفال التي ستبدأ بعد فترة قصيرة كل منا في منطقته . ويمكن أن تكون البداية بأقاربنا وأطفالنا بتقديم المعلومات لهم.

شكرا لكل المساهمات
وانشالله بشوف المواقع الممكن تتعاون معنا

اود ان اخبركم انه تم تعميم الموقع على كل المدارس الحكومية ، لتخصيص وقت له في حصص الانترنت

أرجو إضافة مسابقات علمية إلى موقع الاطفال بالسرعة القصوى لأن الاتفاق مع منظمة طلائع البعث على أساس إضافة مسابقة إلى الموقع والذي يجيب بطريقة صحيحة ينتسب مجانا إلى الجمعية وقد عممته وزارة التربية لذلك ارجو التنسيق بين دانة والدكتور فراس لإضافة الاسئلة ووضع البريد الإلكتروني للجمعية للأجابة عن الأسئلة أو عن طريق ظرف يتم إرساله إلى مقر الجمعية أو إلى مديرة المدرسة ثم إلى منظمة الطلائع
أرجو سرعة تحقيق هذه الخطوة لاهميتها وشكرا للجهود كم الجبارة

في شغلة حلوة عم أعملها ولي نسيناها نحنا
هي انو الطفل يحب الالعاب وخاصة عالكمبيوتر
المشكلة أنو برمجة الألعاب صعبة
رح حاول أعمل ألعاب حلوة منشان نحطها بالموقع تكون مفيدة ومسلية
حاليا خلصت لعبة ولي هي ترتيب المجموعة الشمسية
يمكن بالنسبة لألنا هي بسيطة كتير بس بتعرفو أنو أغلب رفقاتي الي فرجيتون ياها ما عرفو يرتبوها
رح أبعتها للدكتور فراس خلال هالاسبوع
ورح حاول أعمل غير ألعاب عالفلاش (لحتى أتعلم أعملون ) أو بالأحرى الفكرة الي تخطر ببالي وأكون أقدر أعملها
شو رأيكون؟؟؟؟