مساء الخيريعطيكم العافية على هالجمعية اللي هي في غاية الروعة يعني اول جمعية علمية بلاقيها علمية عنجدبس في مشكلة كبيرة بالاعلام تبع الجمعية يعني انا ولا بعمري سمعت عن الجمعية بالسنتين الماضيين لذلك اقترح ان يكون هناك نظام اعلامي كبير جدا جدا جدا لحتى تنشهر هالجمعية اكتر واكتريعني بالصدفة الصدفة انا دريت عن الجمعية بمعرض الكتاب بالدعايات اللي وزعتوها بالمعرضبتمنى انو تاخدو اقتراحي بعين الاعتبار لانو صدقوني عالم كتير بانتظار هيك جمعية عنا بسوريا

اهلا وسهلا بك أخي هشام عضواً جديداً
أنشاء الله تستفيد من هذا المنتدى ونحن نرحب بك باسمي وباسم جميع الأعضاء
بالنسبة لموضوع الاعلام بالجمعية
فالجمعية ومنذ تأسيسها تحاول أن تعمل حملة أعلامية بكل الطرق الممكنة وهي تتقدم بشكل مستمر
فالمهندس محمد العصيري رئيس الجمعية يحاول وبكل الطرق نشر اسم جمعيتنا وادخالها الى قلوب التاس
من خلال المقابلات التلفزيونية او بالجرائد
فأذا كنت على أطلاع بالمقالات الخاصة بالفلك التي تنشر فلا بد أنك قرأت عن الجمعية في أحد الصحف
كما أن جمعيتنا تقوم بكل شهر توزيع 5 آلاف مجلة تعريفية لعلم الفلك وللجمعية وبشكل مجاني
هذا غناك عن النشاطات التي نقوم بها ففي هذا الشهر سوف يكون مجموع النشاطات 6
كما انه الان يوجد موقع للجمعية وهو من المواقع الجيدة بعلم الفلك من الناحية العربية
وطبعا ستحاول الجمعية جاهدا للتوسيع اكثر فاكثر للبلوغ الى الهدف وهو جعل علم الفلك في متناول الجميع هنا

يبدو انا دكتور فراس سبقني بالرد فعندما كتبت المشاركة لم يكن هناك رد
على كلن ردين افضل

فعلاً الأخ هشام معه حق
و أنا ما تعرفت على الجمعية إلا عن طريق الصدفة و ذلك عندما قرأنا أنا و صديقي محمود أن الجمعية سوف تقوم بأمسية فلكية في قلعة حلب لرصد الخسوف الكلي للقمر و بحثنا عن الجمعية في غوغل لجلب المزيد من المعلومات عن الأمسية , و هنا كانت نقطة البداية مع علم الفلك الرائع

و بعتقد أنه لازم يكون في طريقة للإعلام عن الجمعية بحيث تكون تكلفتها منخفضة و انتشارها واسع
مثلاً عن طريق الشريط المتحرك في القناة الفضائية السورية و لمدة يومين ...... ستكون كافية ليعرف أكثر السوريين بوجود "جمعية هواة الفلك السورية"

دكتور مو هيك بس طبيعي أنه بكل بيت الواحد بيتفرج على القناة السورية ....... يا أخي ليس لمشاهدة برامجها بل لقراءة الشريط المتحرك لمعرفة الأخبار الخاصة .......... مثلا تاريخ صدور نتائج الامتحانات أو المعاهد أو قبول المفاضلات و غيرها

لذلك أرجو الاسراع في ذلك الاعلان قبول صدور المفاضلة الثانية للشهادة الثانوية

أنا بظن أنو اقتراح حسان صعب التطبيق....يعني إذا ما كان في مناسبة لوضع إعلان بشريط الفضائية السورية حول جمعية هواة الفلك فأكيد ما رح يوضعوا الإعلان...لأنو الشريط المتحرك بالتلفزيون السوري للأخبار مو للإعلانات...هاد من جهة..من جهة تانية في مئات من المؤسسات والجمعيات الأهلية يللي بتتمنى ينوضع إعلان عنها بالتلفزيون السوري...

أنا برأي أفضل وسيلة للإعلان حالياً هي طبع صفحات إعلانية عن الجمعية ولصقها في الأماكن المناسبة على الحائط...يعني من الممكن أن نطبع الإعلان ونلصقه في كلية الاقتصاد بحماة مثلاً..حيث أدرس.. أو لصقها في زاوية ظاهرة أمام مبنى كلية العلوم..أو أي مكان يتواجد فيه طلبة العلم...
بذلك نصل إلى عدد كبير نوعاً ما من فئة الشباب المهتمين بهذا الموضوع.........وشكراً

بالبداية بحب قول اي شخص عم يفكر بتطوير الجمعية بوجه اله شكر كبير
بس كمان في ظروف معينة ما فينا نتجاوزها
فكرة الاعلان بالصحف والمجلات كتير حلوة بس بدها امكانيات مادية كبيرة
لهيك لازم نحنا ندعم الجمعية ماديا وعلميا
ومع الاسف دور الاعلام ببلدنا بالنسبة للقضايا العلمية كتير سلبي
وفكرة استغلال المعرض فكرة ناجحة
وانا بشوف انو هي الجمعية هي من اقوى الجمعيات بلدنا.
...
بس في فكرة او نبلش نتعاون مع الجمعيات الاخرى بالخارج
كالايرانية والروسية والاوروبية
منستفيد كتير

اما بالنسبة للاخ هشام بقلك اهلا وسهلا بس يمكن هو متحمس كتير او صرلو فترة طوبلة عم يدور على هيك جمعية وطول لشافن
بكل الاحوا اهلا وسهلا بكرا بعد فترة رح تعرف انو وضع الجمعية بخير بالنسبة لغيرها ضمن الامكانات الحالية
بس بجهدك وبجهدي وبجهد الكل فينا نكبر الجمعية
برجع بقلك اهلا وسهلا
ا

هذه المشكلة يمكن للأعضاء حلها بأبسط الأمور فمن يدرس في الجامعة أو الثانوية أو المتوسطة أو في أي مكان أن يصمم إعلانات ينشرها في وسطه التعليمي أو العملي و بالتالي يكون قد ساهم في نشر عنوان الجمعية وبعد ذلك يمكن لكل شخص قرأ ذلك أن يخبر غيره و يمكن حتى لصق الملصقات في الأماكن المخصصة لها في الشوارع.
ويمكن أيضا أن يقوم المتعلمون وضع إشهار للجمعية في مجلات المدارس و الجامعات.وبما أننا على مشارف الدول المدرسي سأحاول القيام بنشر اسم الجمعية و
الفلك في أول صفحات المجلة المدرسية.
ونشر المقالات الرائعة و الإدلال على الموقع الالكتروني الخاص بها و بالتالي أكون قد قمت بواجبي نحو المنتدى هذا رأيي.

افترضوا أنكم رح تعملوا إعلان حاءط فبإمكانكم تعملوا الاعلان و تنزلوا على المنتدى بهي الصفحة ......... و كل واحد بالمنتدى بيطبع كم نسخة منه و بيلصقه بالأماكن البارزة في مدينته ..............


و هيك منضمن انتشار كبير للجمعية و بدون تكلفة

........... يلا مين بيعمل الإعلان

أنا مستعد لتصميم إعلان....رغم أني لست اخصائي في هذا المجال....لكن بشتغل شوي بالفوتوشوب...

أنا بشكر كل مين عم يحاول يطور الجمعية بأي وسيلة ممكنة وبدوري بحب أني قدم هذا التصميم الذي صنعتوا بنفسي وإنشاء يعجبكون. وياريت تعطوني رأيكم فيه

جيد أخ تامر....

الشكر الجزيل لكل الأصدقاء الذين طرحوا مساهماتهم في هذا الموضوع الهام
ولكن فعلا هذا الموضوع كنا نعمل به منذ بداية تأسيس الجمعية وقد قمنا بقفزات كبية جدا منذ البداية وحتى الآن
لأن هناك النشرة الفلكية الشهرية التي توزع مجانا
وموقع الانترنت
وليالي الرصد الفلكية
والمحاضرات المتنوعة
لكن نطمح دائما للمزيد
ولكن صراحة العائق المادي موجود دوما
ولكن الشكر الكبير لكل الاعضاء الذين ساعدونا دائما بنشر البروشورات والتعريف بالجمعية
وفكرة البروشورات السابقة جميلة جدا وانا يا تامر مع ملاحظة د فراس بالنسبة للانتساب
ونتمنى الآراء الهادفة منكم ولكم جزيل الشكر
م محمد الكحال
عضو مجلس الإدارة

بس المشكلة كيف بدنا ان نلاقي الناس يلي بيحبو الفلك
لنل شفت انو من كل 10000 نشاء الله يطلع واحد مهتم
و بعد ما نطبع شو بدنا نساوي

أنا اليوم رحت لعند الأستاذ محمد العصيري وألي أنو الفكر عجبتو وألي كمان أنو أنتظر لحتى شوف شو رأي الدكتور فراس .
أذاً. دكتور فراس أذا أنت عجبك الفكرة فهذا التصميم يمكن تعديه بسهولة وأنا بصراحة ماعرفت شو المعلومات المطلوبة ومشان مايكون الموضوع عشوائي ياريت من بعد أذنك تألي على كل التعديلات المطلوبة والأشياء المراد ذكرها بالتفصيل لأنو أنا بصراحة
t.swar.92@gmail.com اخذت المعلومات من موقع الجمعية حرفيا 0أرجو منك يا دكتور إذا كنت موافق مراسلتي على إيميلي