هلال القمر وهلال الزهرة

mars

صورة نادرة لاقتران هلال القمر بهلال كوكب الزهرة يوم الجمعة الماضية

......
المصدر : http://apod.nasa.gov/apod/ap090306.html

رغد عادلي

الصورة كتير حلوة شكرا
بس سؤال...هاد الحدث بيصير كل أديش؟

Mahmoud Alamir

فعلا الصورة كتيير حلوة......بس اكيد الكاميرا فيها زوووم "رهيب" لحتى ظاهرة هلال الزهرة....ويمكن تكون مصورة عبر تلسكوب...شكرا أخ مارس..

وبالنسبة لسؤال الاخت رغد...اقتران القمر مع الزهرة....بيصير كل فترة...وما بيصير بشكل دوري....بس بظن انه هاد الاقتران هو من أكتر الاقترانات حدوثا........

د. فراس

هذه الصورة حتماً ليست بواسطة كاميرا وإنما بواسطة تلسكوب لأنه لا توجد كاميرا قادرة على إظهار هلال الزهرة بهذا الوضوح..

وبالنسبة لاقتران الزهرة من القمر فإنه يحدث مرة كل شهر ولكن السؤال هو المسافة بينهما.. لأن القمر يلف السماء دورة كاملة خلال شهر قمري ويعود ليلتقي بكوكب الزهرة بعد شهر.. ولكن المسافة بينهما في السماء تتراوح بين عشر درجات قوسية وبين الاستتار الكامل (أي أن القمر يعبر أمام كوكب الزهرة ويحجبه عنا)..

والاقتران القريب ليس نادر الحدوث حيث يشاهد تقريباً كل سنة أو سنتين مرة واحدة..

Hassan Aldib

فعلاً صورة رائعة جداً

أخت رغد
هالحدث متل ما قالولك بصير مرة كل شهر

و بإمكانك تعرفي الأحداث الفلكية مسبقاً و بدقة من خلال تحميل قائمة الأحداث الفلكية من موقع الجمعية
هي رابط الموقع الرئيسي
www.saaa-sy.org

قائمة أحداث هذا الشهر

mars

شكراااااااا للجميع
بس عندي استفسار حول اطوار الزهرة....يا ريت اذا حدا عنده فكرة يفيدنا.....وكمان اذا في مقارنة بين اطوار القمر واطوار الزهرة....وشكرا سلفا

Mahmoud Alamir

سؤالك كتيير حلو أخ مارس........وأنا كمان بضم صوتي لألك.....

على فكرة أنا من جديد لحتى عرفت أنو الزهرة ببين كهلال عبر التلسكوب....لأنو بالعين أو حتى بمنظار لا يمكن رؤية هلال الزهرة.......

د. فراس

القمر يدور حول الأرض ويختلف توضعه بالنسبة للشمس ولذلك يظهر أطواراً مختلفة.. ولكن نظراً لأن الأرض يمكن أن تكون بين الشمس والقمر فإننا يمكن أن نشاهد القمر بدراً..

والزهرة يدور داخل مدار الأرض ولكن لا يمكن أن تقع الأرض بين الزهرة والشمس فلذلك لا يمكن أن يشاهد الزهرة "البدر" من الأرض.. ومن حيث المبدأ يكون الزهرة "بدراً" حين يقع خلف الشمس تماماً.. ولكنه في هذه الحالة لا يشاهد نظراً لأنه يضيع في وهج الشمس (إلآ في حالات الكسوف التام)..

بإمكانكم أن تتخيلوا الزهرة تتأرجح يمنة ويسرى أمام الشمس حين يتم النظر إليها من الأرض... وبالتالي حين تكون الزهرة أبعد ما يمكن عن الشمس (في السماء) فستظهر بشكل هلال كبير، وحين تكون أقرب إلى الشمس فتظهر بشكل هلال صغير.. وحين تكون خلف الشمس تظهر صغيرة الحجم بسبب بعدها.. والشكل التالي يوضح كل ذلك:

mars

شكرا د.فراس ...وذكرتني بالمثل اللي يقول : عند الدكتور فراس الخبر اليقين......

Hassan Aldib

مشكور د.فراس

محمود فهمت ليش ما بتشوف الزهرة إلا هلال

Mahmoud Alamir

اي فهمت...شكرا د.فراس.....بس في أحد الأصدقاء المولع بالفيزياء....قلي مرة...انو ما وراء النجوم ينزاح زمنيا.!!!!انا ما فهمت كتير عليه.....بس قلي يعني وقت بيكون في كوكبات وراء الشمس ويكون هناك كسوف......نرى هذه الكوكبة بجانب الشمس وليس وراءها........والسبب برأيه...انزياحها زمنيا من وراء الشمس إلى جانبها...الكلام ربما غير دقيق...أرجو التوضيح

د. فراس

انظر الصفحة 5 من مقالة (الفيزياء الحديثة في خدمة علم الفلك) في صفحة الموسوعة الفلكية..

وبعدها تنتناقش..

Hassan Aldib

أنا كمان رح أقرأ المقالة دكتور

و بعتقد أنه هاد نفس السبب يلي جعل الأيام اللازمة لدوران المشتري حول الشمس تختلف بحسب بعد الأرض عن الشمس

Mahmoud Alamir

إن شاء الله...